Një nga bashkëpunëtorët më të ngushtë të Trump, Elon Musk është përfshirë në çështjen e emigrantëve që sillen nga Italia për në Shqipëri.
Pavarësisht se është kritikuar shumë, Elon Musk i ka dalë në krah marrëveshjes së Edi Ramës dhe Georgia Meloni për emigrantët.
Gazetari ndërkombetar, Mario Nawfal raportoi se Gjykata e Romes po bllokon planin e Meloni dhe Rames për të sjellë dhe strehuar emigrantët në Shqipëri.
“Këta gjykatës duhet të largohen”, shkroi Elon Musk duke kundërshtuar vendimin e Gjykatës së Romës që për here të dytë urdhëroi kthimin drejt Italisë të emigrantëve të tjerë nga qendrat e pritjes në Gjadër të Lezhës.
