Pas disa ditësh të ftohta me shi, stuhi dhe dëborë, moti ndryshon sërish në mënyrë drastike në vendin tonë.
Sipas meteorologëve kanë marrë fund ditët e ftohta ndërsa dimri largohet përfundmisht nga Shqipëria.
Duke nisur nga dita e nesërme (e premte) pritet që në të gjithë vendin të jetë një mot i qëndrueshëm ndërsa temperaturat do të rriten disa gradë më të larta, optimale për stinën e Pranverës.
Moti parashikohet kryesisht i kthjellët e vranësira kalimtare të cilat në orët e mesditës dhe pasdites do të jenë hera-herës deri të dendura.
Temperaturat e premte:
– në zonat malore 4 deri 16°C
– në zonat e ulëta 8 deri 19°C
– në zonat bregdetare 10 deri 20°C