Janë publikuar pamjet e kryeministrit të Sllovakisë, Robert Fico të plagosur, pas momentit kur ai u qëlluar me armë zjarri nga një qytetar.
Në video shihet momenti kur kryeministri merret nga forcat e sigurisë dhe futet me urgjencē në makinën e tij dhe dërgohet në spital.
Ngjarja ndodhi përpara një qendre të komunitetit kulturor në qytetin Handlova, ku ishte mbajtur një mbledhje e qeverisë.
Pas të shtënave kryeministri sllovak Robert Fico u dërgua me urgjencë në spital dhe nuk dihet ende gjendja e tij, teksa i dyshuari u arrestua menjëherë nga Policia Sllovake.
