Qeveria Shqiptare është duke prezantuar nismën për amnistinë fiskale në një konsultim publik edhe me përfaqësues të biznesit.
Por kryeminsitri Edi Rama ka një përgjigje për ndërkombëtarët që e kanë kritikuar nismën për amnistinë fiskale: "Mungesë respekti. Në fund të fundit janë pronarët europianë që i kanë paguar shqiptarët ndër vite në të zezë".
"Kemi ndjekur me shumë vëmendje kritikat kundër amnistisë. Amnistia është ide e vjetër dhe asnjëherë nuk është materializuar. Shqipëria aso kohe kur ka qenë në praktikë amnistia s’ka qenë në kushte te duhura nga ana strukturore. Ne nuk e kemi menduar sot e kemi menduar që ditën e parë 9 vjet të shkuara. Të vish në Shqipëri e të thuash se amnistia nuk është e pranueshme kjo është një mungesë respekti, partnerëve dhe miqve u them: respekti reciproke është A-ja e punës sime në funksion të republikës së Shqipërisë", tha Rama.
