Nga muaji korrik është njoftuar se do të hyjnë në fuqi rritja e pagave dhe pensioneve. Ministri i Financave, Ervin Meta deklaroi se këtë vit parashikimet janë që do të ketë një paketë mbështetëse për shtresat në nevojë.
"Ne kemi buxhetuar ideksimin, kemi buxhetuar edhe shpërblimin e fundvitit, por në varësi edhe të të ardhurave, të cilat deri tani kanë patur një ecuri të mirë, ne po konsiderojmë që deri në fund të vitit të kemi një paketë të re për shtresat në nevojë”, tha ministri.
Masa e indeksimit pritet të përcaktohet, pasi INSTAT të evidentojë se sa është inflacioni vjetor për shportën e pensionistëve. Ndërsa bonusi i fundvitit pritet të jetë në masën 50 mijë lekëve të vjetra.
Prej disa vitesh bonusi i fundvitit është bërë pjesë e ligjit të buxhetit, çka do të thotë është kthyer një detyrim ligjor për tu shpërndarë.
